هلمند؛ په سنګین ولسوالۍ کې د ۲۰ لوبډلو ترمنځ د ټېپ بال کرېکټ يولسم پړاو ګروپي سيالۍ پای ته ورسېدې
د هلمند ولایت د بدني روزنې او ورزش امریت اړوند د ټېپ بال کرېکټ فدراسيون د استازولۍ له لوري د ياد ولايت په سنګين ولسوالۍ کې د ۲۰ لوبډلو ترمنځ د اختر يز جام په نوم د ټېپ بال کرېکټ يولسم پړاو ګروپي سيالۍ د بارک اتلانو لوبډلې په اتلولۍ پای ته ورسېدې.
د دغو سياليو پايلوبه د بارک او باوري اتلانو لوبډلو ترمنځ ترسره شوه، باوري اتلانو لوبډلې د پچې په ګټلو سره د توپ وهنې پرېکړه وکړه، چې په ټاکلو ۱۰ اورونو کې مقابلې لوبډلې ته د ۱۳۷ منډو هدف وټاکه. په ځواب کې د بارک اتلانو لوبډلې ټاکل شوې هدف د لوبې په ورستي اور کې د دوه لوبغاړو په سوځېدو سره پوره کړ او لوبه يې د ۸ ويکټو په توپير سره وګټله.
د يادو سياليو موخه ورزش ته وده ورکول و، چې اووه ورځې دوام وکړ او په پای کې لومړي مقام ګټونکي لوبډلې ته يو عراده موټر سايکل ورکړل شو.
