لغمان کې د ۱۲ لوبډلو ترمنځ د فوټبال غوره ليگ سيالۍ پيل شوې
د لغمان ولایت د بدني روزنې او ورزش آمريت اړوند د فوټبال فدراسیون د استازولۍ له لوري د ياد ولايت په مرکز مهترلام ښار کې د ۱۲ لوبډلو ترمنځ د لغمان منتخبې لوبډلې ټاکلو په موخه د فوټبال غوره ليگ سيالۍ پيل شوې.
د يادو سياليو لومړنۍ لوبه د استقلال او ارتش پيروزي لوبډلو ترمنځ ترسره شوه، چې په پايله کې ۱/۱ مساوي پای ته ورسېده.
د ويلو وړ ده، چې دغه سيالۍ به شاوخوا ۲۶ ورځې دوام وکړي.
