د المپيک بدني روزنې او ورزش عمومي ريیس مولوي احمدالله وثيق او ورسره پلاوي د پروان ولايت له ورزشي ادارې ليدنه وکړه
د المپيک بدني روزنې او ورزش عمومي رييس مولوي احمدالله وثيق، د يادې ادارې د المپيکي چارو رييس الحاج داد محمد پاينده اختري، د پلان او ستراتيژۍ رييس انجنير محمد حنیف حنيفي او د نوموړې ادارې ورزشي مشاور قاري حيات الله رحماني د پروان ولايت له ورزشي ادارې، ورزشي اماکنو ليدنه وکړه او د دغه ولايت د ورزشي آمريت له کارکوونکو او مختلفو ورزشي فدراسيونونو له مسولينو سره يې وليدل.
په پيل کې د ياد ولايت ورزشي مسولينو د المپيک بدني روزنې او ورزش عمومي رييس مولوي احمد الله وثيق او ورسره پلاوي ته ښه راغلاست ووايه او د ياد ولايت د ورزشي برخې په اړه يې خبرې وکړې او په ځينو برخو کې يې د ورزش ادارې له رهبري پلاوي د لا زياتې پاملرنې او همکارۍ غوښتنه وکړه.
ورپسې د المپيک بدني روزنې او ورزش عمومي رييس مولوي احمدالله وثيق د پروان ولايت د ورزشي مسولينو هڅې وستايلې، هغه يې د هېواد په کچه د ورزش په ډګر کې د ترلاسه شويو لاسته راوړنو برخه ياد کړل او له دوی يې د لا زياتې هڅو غوښتنه وکړه. ښاغلي وثيق د ياد ولايت له مسولينو سره ژمنه وکړه، چې د هېواد د ورزش اداره به د تېر په څېر د دغه ولايت له ورزشي برخې سره همکاره وي او خپله همکاري به نه درېغوي.
د يادونې وړ ده، چې د المپيک بدني روزنې او ورزش عمومي رييس مولوي احمدالله وثيق او ورسره پلاوی، د شمالي ولايتونو د ورزشي ادارو د ارزونې په موخه سفر پيل کړی او د څو ولایتونو ارزونه به وکړي.
