کندز؛ چهاردرې ولسوالۍ کې د لسو لوبډلو ترمنځ د واليبال سيالۍ پای ته ورسېدې
د کندز ولايت د بدني روزنې او ورزش رياست اړوند د واليبال فدراسيون د استازولۍ له لوري د چهاردرې ولسوالۍ په حضرتانو ورزشي لوبغالي کې د لسو لوبډلو ترمنځ د واليبال سيالۍ د خان زاخېل لوبډلې په اتلولۍ پای ته ورسېدې.
د دغو سیالیو په پايلوبه کې خان زاخېل لوبډلې خپلې سيالې ځواک لوبډلې ته د ۲۵ پر ۱۵ امتيازونو په توپير ماتې ورکړه او اتلولي يې وگټله.
د يادو سیالیو موخه ورزش ته د ځوانانو هڅول او د واليبال ورزش وده ورکول وو، چې يوه شپه او ورځ يې دوام وکړ.
