پکتیا؛ په مرکز ګردېز ښار کې د ۱۸ ورزشکارانو ترمنځ د جودو سیالۍ ترسره شوې
د پکتیا ولايت د بدني روزنې او ورزش رياست اړوند د جودو فدراسيون د استازولۍ له لوري د ياد ولايت په مرکز ګردېز ټایګر ورزشي کلپ کې د ۱۸ ورزشکارانو ترمنځ د جودو دوستانه سيالۍ ترسره شوې.
دغه سيالۍ د نويو ځوانانو، ځوانانو او لويانو ورزشکارانو په عمري کټګوريو کې ترسره شوې، چې په پايله کې ۹ ورزشکارانو خپلو سيالانو ته په ماتې ورکولو سره برياوې خپلې کړې.
هېره دې نه وي، چې دغه سیالۍ د جودو راتلونکو ټاکنیزو سیالیو ته د غوره ورزشکارانو موندلو په موخه ترسره شوې او یوه ورځ یې دوام وکړ.
