ارزګان؛ چوره ولسوالی کې د ۲۱ لوبډلو ترمنځ د ټېپ بال کرېکټ سيالۍ پای ته ورسیدې
د ارزګان ولايت د بدني روزنې او ورزش امریت اړوند د ټېپ بال کرېکټ فدراسيون د استازولۍله لوري د ياد ولايت په چوره ولسوالی کې د ۲۱ لوبډلو ترمنځ د ټېپ بال کرېکټ سيالۍ د مرکزی ځوانانو لوبډلې په اتلولۍ پای ته ورسېدې.
د دغو سياليو پايلوبه د مرکزي او ملي اتلانو لوبډلو ترمنځ ترسره شوه. د لوبې پچه ملي اتلانو لوبډلې وګټله او لومړی یې توپ وهنه وکړه، چې په ټاکلو ۱۲ اورونو کې یې د پنځو ویکټو په زیان خپلې سیالې لوبډلې ته د ۱۵۰ منډو هدف وټاکه. مرکزي لوبډلې ټاکلی هدف د درېیوو ویکټو په زیان د لوبې په لسم اور کې ترلاسه کړ او د اوو ویکټو په توپیر یې د دغو سیالیو اتلولي وګټله.
دا سیالۍ ورزش ته د ځوانانو د هڅولو په موخه ترسره شوې، چې ۲۴ ورځې یې دوام وکړ.
