لغمان کې د ۳۹ ورزشکارانو ترمنځ د کونگ فوتوا دوستانه سيالۍ وشوې
د لغمان ولايت د بدني روزنې او ورزش آمريت په همکارۍ او د کونگ فوتوا فدراسيون د استازولۍ له لوري د ياد ولايت په مرکزي جمنازيوم کې له ننگرهار او لغمان ولايتونو د ۳۹ ورزشکارانو ترمنځ د کونگ فوتوا دوستانه سيالۍ وشوې.
دا سيالۍ د نويو ځوانانو، ځوانانو او لويانو په عمري کټگوريو کې ترسره شوې، چې په پايله کې لغمان ورزشکارانو د زياتو برياوو سره لومړی او ننگرهار بيا دويم مقام خپل کړ.
د يادو سياليو موخه د هېواد امنيتي او دفاعي ځواکونو څخه د ورزشکارانو ملاتړ وو، چې يوه ورځ يې دوام وکړ او په پای کې د مسؤلينو له لوري گټونکو ورزشکارانو ته کپونه، مډالونه او د اتلولۍ حکمونه ورکړل شول.
