هلمند؛ خانشين ولسوالۍ کې د فوټبال سيالۍ پيل شوې
د هلمند ولايت د بدني روزنې او ورزش آمريت په همغږۍ، د فوټبال فدراسيون د استازولۍ له لوري د خانشين ولسوالۍ په غلامان حوزه کې د ۱۸ لوبډلو ترمنځ د اتفاق جام په نوم د فوټبال سيالۍ پيل شوې.
د يادو سياليو په پيليزه لوبه کې ځواک لوبډلې خپلې سيالې خراسان لوبډلې ته د ۴ پر ۳ گولونو په توپير ماتې ورکړه او بريا يې په خپل نوم کړه.
دا سيالۍ لوبغاړو ترمنځ د يووالي په موخه ترسره کېږي، چې شاوخوا درې اوونۍ به دوام وکړي
