کندز؛ قلعه زال ولسوالۍ کې د واليبال شپنۍ سيالۍ وشوې
د کندز ولايت د بدني روزنې او ورزش ریاست په همغږۍ، د واليبال فدراسيون د استازولۍ له لوري د قلعه زال ولسوالۍ په چاگه آرق سيمه کې د څلورو لوبډلو ترمنځ د واليبال شپنۍ سيالۍ وشوې.
په يادو سياليو کې پر کندز سربيره له بلخ ولايت څخه د قرقين آزادۍ په نوم يوې لوبډلې هم گډون کړی وو، چې په پايلوبه کې قرقین آزادۍ لوبډلې خپلې سيالې قلعه زال ولسوالۍ منتخبې لوبډلې ته د ۳۱ پر ۲۳ امتيازونو په توپير ماتې ورکړه او اتلولي يې وگټله.
دا سيالۍ واليبال ورزش ته د ودې ورکولو او د يادې سیمې وگړو لپاره د سالمې تفريح برابرولو په موخه وشوې او يوه شپه يې دوام وکړ.
