ننگرهار؛ چپرهار ولسوالۍ کې د ۱۶ لوبډلو ترمنځ د واليبال سيالۍ پای ته ورسېدې
د ننگرهار ولايت د بدني روزنې او ورزش ریاست په همغږۍ، د واليبال فدراسيون د استازولۍ له لوري د ياد ولايت په چپرهار ولسوالۍ کې د ۱۶ لوبډلو ترمنځ د واليبال سيالۍ، چې لس ورځې مخکې پيل شوې وې د شولاني لوبډلې په اتلولۍ پای ته ورسېدې.
د يادو سياليو په پايلوبه کې شولاني لوبډلې خپلې سيالې غلام قادر فقيرزي لوبډلې ته د ۳-۰ ميدانونو په توپير ماتې ورکړه او اتلولي يې وگټله.
