کندهار کې د ځغاستې سیالۍ ترسره شوې
په کندهار ولایت کې د اتلتیک فدراسیون سره په همغږۍ د ۵۰ ورزشکارانو ترمنځ د درې کیلو متره ځغاستې سیالي ترسره شوه.
د یادې سیالۍ لیدنې ته د کندهار د سپورټ او بدني روزني رئیس محمود آغا بشر، د کندهار ورزشي امر حافظ حیات الله عتیق، د المپیکي لوبو مدیر کلیم الله احمدزی ، د اتلتیک فدراسیون رئیس ساحل احسان او ګڼ شمېر مینوال ورغلي وو.
د دې سیالۍ څخه موخه ورزش ته د ځوانانو هڅول یاد شوي.
د سیالۍ په پایله کې سمیع الله لومړی مقام، صفت الله دویم او بشیراحمد دریم مقام خپل کړ.
