خوست؛ د فوټسال رمضان جام سياليو په دوام دوه سيالۍ ترسره شوې
د خوست ولايت د اماني ملي لوبغالي ترڅنګ په سرپټي میدان کې د فوټبال فدراسیون له لوري په لومړي ځل د فوټسال پیل شویو رمضان جام سیالیو په دوام تېره شپه دوه سيالۍ ترسره شوې.
په لومړۍ سيالي کې يوسفزي کلب لوبډلې ملګرو لوبډلې ته د ۶_۲ ګولونو په توپير ماتې ورکړه.
همداراز په دويمه سيالۍ کې بيا ګربز منتخبې لوبډلې شاهين لوبډلې ته د ۶_۴ ګولونو په توپير ماتې ورکړه او بريا يې خپله کړه.
د فوټسال په ياد ټورنمنټ کې ۳۰ لوبډلو ګډون کړی او تر راتلونکي کوچني اختر پورې به دوام وکړي.
