هلمند؛ په ګرشک ولسوالۍ کې د اتو لوبډلو ترمنځ د کرکټ ټېپ بال سیالۍ پیل شوې
د هلمند ولایت د بدني روزنې او سپورټ امریت له لوري د ګرشک ولسوالۍ ورزشي مدیریت په همغږۍ د «مبارزې» په نوم د اتو لوبډلو ترمنځ د کرکټ ټېپ بال سیالۍ پیل شوې.
د دغو سیالیو د پیل لوبه د پښتون او میوند لوبډلو ترمنځ وشوه، چې پښتون لوبډلې د لوبې پچه وګټله او لومړی یې د توپوهنې پرېکړه وکړه او په ټاکلو ۱۶ اورونو کې یې د ۸ لوبغاړو په سوځېدو سره ۲۴۰منډې وکړې.
په مقابل کې میوند لوبډلې د یوې ویکتي په زیان سره وړکړل شوی هدف د لوبې په ۱۴ اور کې پوره کړ او لوبه یې وګټله.
په دې سیالۍ کې رئیس وکیل احمد د لوبې د غوره لوبغاړي جایزه ترلاسه کړه.
دا سیالۍ چې په ګروپي شکل د ګرشک په ګنج لوبغالي کې پیل شوي، درې اوونۍ به دوام وکړي.
