خوست؛ په اسماعيل خېلو مندوزيو ولسوالۍ کې د ۳۰ لوبډلو ترمنځ د فوټبال سيالۍ پيل شوې
د خوست ولايت د بدني روزنې او ورزش امريت اړوند د فوټبال فدراسيون د استازولۍ له لوري د اسماعيل خېلو مندوزيو ولسوالۍ په بريال ميدان کې د ۳۰ لوبډلو ترمنځ د عمري جام په نوم د فوټبال سيالۍ د مېچن بابا لوبډلې په بريا پيل شوې.
د يادو سياليو په لومړنۍ لوبه کې مېچن بابا لوبډلې سيالې پنزايي وحدت لوبډلې ته ۰/۱ گول په توپير ماتې ورکړه او بريا يې خپله کړه.
د يادونې وړ ده، چې دغه سيالۍ به شاوخوا يوه مياشت دوام وکړي.
