ننګرهار؛ اچین ولسوالۍ کې د اچین غوره لیګ لومړی پړاو ټېپ بال کرکټ سیالۍ پای ته ورسېدې
د ننګرهار ولایت د بدني روزنې او ورزش ریاست اړوند د ټېپ بال کرکټ فدراسیون د استازولي له لوري د یاد ولایت په اچین ولسوالۍ کې د ۱۶ لوبډلو ترمنځ د ټېپ بال کرکټ لومړی پړاو سیالۍ د کېنګ سټار لوبډلې په اتلولي پای ته ورسېدې.
د یادو سیالیو وروستۍ لوبه د وزیر محمد ګل خان مومند او کېنګ سټار لوبډلو ترمنځ ترسره شوه، چې د وزیر محمد ګل خان مومند لوبډلې د بچې په ګټلو سره لومړی توپ وهنه وکړه او په ټاکلو لسو اورونو کې یې د شپږو لوبغاړو په له لاسه ورکولو سره خپلې سیالې لوبډلې ته د ۱۲۷ منډو هدف وټاکه. کېنګ سټار لوبډلې د څلورو لوبغاړو په له لاسه ورکولو سره پوره کړ او د دغو سیالیو اتلولي یې په خپل نوم کړه.
یادې سیالۍ له نظام او امنیتي ځواکونو څخه د ملاتړ په موخه ترسره شوې، چې ۱۶ ورځې یې دوام وکړ او په پای کې یې اتلې لوبډلې ته د اتلولي کپ ورکړل شو.
