بغلان؛ دوشي ولسوالۍ کې د ١٦ لوبډلو ترمنځ د والیبال سیالۍ پای ته ورسېدې
د بغلان ولایت د بدني روزنې او ورزش آمریت اړوند د والیبال فدراسیون د استازولي له لوري د یاد ولایت په دوشي ولسوالۍ کې د ١٦ لوبډلو ترمنځ د والیبال سیالۍ د کیلهګي لوبډلې په اتلولي پای ته ورسېدې.
د یادو سیالیو پایلوبه د کیلهګي او دوشي ځوانانو لوبډلو ترمنځ ترسره شوه، چې په پایله کې د کیلهګي لوبډلې د ٣ پر ٢ میدانونو په توپیر خپلې سیالې لوبډلې ته ماتې ورکړه او اتلولي یې په خپل نوم کړه.
یادې سیالۍ والیبال لوبې ته د پراختیا او ورزش ته د ځوانانو د هڅولو په موخه ترسره شوې چې ١٢ ورځې یې دوام وکړ او پای کې اتلې لوبډلې ته د اتلولي کپ او غوره لوبغاړو ته مډالونه ورکړل شول.
