د پکتيکا په پوهنتون کې د شپږو لوبډلو ترمنځ د واليبال سيالۍ پای ته ورسېدې
د پکتيکا ولايت د بدني روزنې او سپورټ امريت اړوند د واليبال فدراسيون د استازولۍ له لوري د ياد ولايت په دولتي پوهنتون کې د شپږو لوبډلو ترمنځ د واليبال سيالۍ د اقتصاد پوهنځي لوبډلې په اتلولۍ پای ته ورسېدې.
په دغو سياليو کې د اقتصاد، انجينري، ښوونې او روزنې، کرنې، شرعياتو پوهنځيو او د اداري کارمندانو لوبډلو گډون کړی وو، چې په پايلوبه کې اقتصاد پوهنځي لوبډلې خپلې سيالې ښوونې او روزنې پوهنځي لوبډلې ته د ۱/۲ ميدانونو په توپير ماتې ورکړه او اتلولي يې خپله کړه.
ياده دې وي، چې دغو سياليو يوه اوونۍ دوام وکړ او په پای کې لومړي او دويم مقام گټوونکو لوبډلو ته کپونه او غوره لوبغاړو ته بېلابېلې چمتو شوې ډالۍ ورکړل شوې.
