خوست؛ په نادرشاه کوټ ولسوالۍ کې د ۱۲ لوبډلو ترمنځ د ټېب بال کرکټ سيالۍ پيل شوې
د خوست ولايت د بدني روزنې او ورزش امريت اړوند ټېپ بال فدراسيون له لوري پهنادرشاه کوټ ولسوالۍ په ځينې خېلو سيمه کې د ۱۲ لوبډلو ترمنځ د ټېپ بال کرکټ سيالۍ پيل شوې.
د دغو سياليو د پيل لوبه د عادل اوشاهين لوبډلو ترمنځ ترسره شوه، لومړی توپوهنه شاهين لوبډلې ترسره کړه او په ټاکلو اتو اورونو کې يې سيالې لوبډلې ته ۱۱۸ منډې هدف کېښود، د لوبې په دويمه پاڼۍ کې عادل لوبډلې ياد هدف د څلورو لوبغاړو په زيان پوره کړ او شپږو ويکټو يې بریا خپله کړه.
هېره دې نه وي چې دغه سيالۍ نن پيل شوې او شل ورځې به دوام وکړي.
