کابل؛ د دعوت او ارشاد رياست له لوري د اسلامي اساساتو د درېيمې دورې ازموينه واخيستل شوه
د المپيک، بدني روزنې او ورزش عمومي رياست اړوند د دعوت او ارشاد رياست لوري د ياد رياست د رييسانو، امرينو او اداري کارمندانو په گډون له خدماتي کارکوونکو څخه، چې شاوخوا ۳۰۰ تنه کېږي، د اسلامي اساساتو د دريمې دورې ازموينه واخيستل شوه.
د دعوت او ارشاد رییس داد محمد بریال عطایي د دغې ازموینې په اړه وویل: دا د امر بالمعروف وزارت له لوري د راکړل شوي نصاب ازموینه ده، چې په روان کال کې مو په منظمه توګه ټولو رئیسانو، آمرینو، ادارې کارمندانو او خدماتي کارکوونکو ته تدریس کړې، چې اوس مو د دوی د ارزونې په موخه ازموینه ورڅخه واخیسته.
ياده دې وي، چې په تېر کې هم د دعوت او ارشاد رياست له لوري ورته ازموينې اخيستل شوې دي.
