ندهار کې شپږو لوبډلو ترمنځ د روشن فوټبال ولایتي جام سیالۍ پای ته ورسېدې
د کندهار ولایت د بدني روزنې او ورزش ریاست اړوند د فوټبال فدراسیون د استازولي له لوري او د روشن مخابراتي شرکت په مالي ملاتړ د یاد ولایت مرکز کې د شپږو لوبدلو ترمنځ د فوټبال سیالۍ چې یوه اوونۍ مخکې پیل شوې وې، د الفت استقلال لوبډلې په اتلولي پای ته ورسېدې.
په دغو سیالیو کې د کابل، فراه، هلمند او کوربه کندهار ولایتونو لوبډلو گډون کړی و چې پایلوبه د کندهار الفت استقلال او فراه عدالت لوبډلو ترمنځ ترسره شوه، چې په لومړیو کې لوبه صفر پر صفر مساوي شوه، خو د پېنالټیو په وخت کې د کندهار الفت استقلال لوبډلې خپلې سیالې د فراه عدالت لوبډلې ته د ۴ پر ۳ ګولونو په توپیر ماتې ورکړه او اتلولي یې په خپل نوم کړه.
د سیالیو په پای کې اتلې لوبډلې ته د کپ او مډالونو ترڅنګ د روشن مخابراتي شرکت له لوري ۲۰ زره افغانۍ او دویم مقام لوبډلې ته لس زره افغانۍ د ډالۍ په توګه ورکړل شوې.
