زابل کې د ۱۲۰ ورزشکارانو ترمنځ د فول رزم څلورم پړاو سيالۍ پای ته ورسېدې
د زابل ولايت د بدني روزنې او ورزش آمريت اړوند د فول رزم فدراسيون د استازولۍ له لوري د ياد ولايت په مرکز قلات ښار کې د شپږو ولایتونو د ۱۲۰ ورزشکارانو ترمنځ د نويو ځوانانو، ځوانانو او مشرانو په عمري کټگوريو کې د فول رزم څلورم پړاو سيالۍ پای ته ورسېدې.
په دغو سياليو کې د غزني، کندهار، ارزگان، هلمند، کابل او کوربه زابل لوبډلو گډون کړی وو، چې په پايله کې زابل لومړی، غزني دويم او کابل بيا درېيم مقام ترلاسه کړ.
د يادونې وړ ده، چې د دغو سياليو د ترسره کېدو موخه د ځوانانو لپاره د سالمې تفريح برابرول او د فول رزم لوبې وده وه، چې دوې ورځې يې دوام وکړ.
