ميدان وردگ؛ په ميدان ښار کې د ۳۰ تنو زده کوونکو ترمنځ د تيږې اچوونې سيالۍ ترسره شوې
د ميدان وردگ ولايت د بدني روزنې او ورزش آمريت اړوند د ملي او دوديزو لوبو مديريت له لوري د مرکز ميدان ښار په حضرت عاصم خصوصي لېسه کې د ۳۰ تنو زده کوونکو ترمنځ د تيږې اچوونې سيالۍ ترسره شوې.
دغه سیالۍ، چې ورزش ته د زده کوونکو هڅولو په موخه ترسره شوې، په پايله کې منير احمد لومړی، احمد الله دويم او عبدالقدير درېيم مقام ترلاسه کړ.
د يادونې وړ ده، چې د دغو سياليو په پای کې غوره زده کوونکو ته مډالونه او ستاينليکونه ورکړل شول.
