زابل؛ شاجوی ولسوالۍ کې د ۲۱ ورزش کارانو ترمنځ د فول رزم سیالۍ ترسره شوې
د زابل ولایت د بدني روزنې او ورزش آمریت اړوند د فول رزم فدراسیون د استازولي له لوري د یاد ولایت په شاجوی ولسوالۍ کې د دوو کلبونو د ۲۱ ورزش کارانو ترمنځ د فول رزم سیالۍ ترسره شوې.
په دغو سیالیو کې د استاد عبدالغفور او استاد نادر کلبونو د نویو ځوانانو، ځوانانو او مشرانو عمري کټګوریو ورزش کارانو ګډون کړی و چې په پایله کې د استاد نادر کلب ورزش کارانو لومړی مقام خپل کړ.
دغه سیالۍ د فول رزم د لوبو د ودې او ورزش ته د ځوانانو د هڅونې په موخه ترسره شوې، چې یوه ورځ یې دوام وکړ.
