پکتیکا؛ مټاخان ولسوالۍ کې د پنځو لوبډلو ترمنځ د نیزه وهنې سیالۍ ترسره شوې
د پکتیکا ولایت د بدني روزنې او ورزش آمریت اړوند د ملي او دودیزو لوبو، وزلوبې او نیزه وهنې فدراسیون د استازولي له لوري د یاد ولایت په مټاخان ولسوالۍ کې د پنځو لوبډلو ترمنځ د نیزه وهنې سیالۍ د مرکزي کلب لوبډلې په اتلولي پای ته ورسېدې.
په دغو سیالیو کې سلطان محمود غزنوي، رحمت الله، مرکزي کلب، یوسف خیل ولسوالۍ او مټاخان ولسوالۍ لوبډلو ګډون کړی و، چې په پایله کې یې مرکزي کلب لوبډلې د ۴۰ نمرو په ترلاسه کولو سره لومړی،یوسف خېل ولسوالۍ لوبډلې د ۳۶ نمرو په ترلاسه کولو سره دویم او سلطان محمود غزنوي لوبډلې هم د ۳۶ نمرو په ترلاسه کولو سره درېیم مقام خپل کړ.
دا سیالۍ د نیزه وهنې لوبو ته د ودې ورکولو په موخه ترسره شوې، چې یوه ورځ یې دوام وکړ او په پای کې لومړي مقام لوبډلې ته یو سېرلی د ډالۍ په توګه ورکړل شو.
