بلخ کې د ۷۰ تنو چاپندازانو ترمنځ د وزلوبې سيالۍ ترسره شوې
د بلخ ولايت د بدني روزنې او ورزش رياست اړوند د وزلوبې، نيزه وهنې او سيمه ييزو لوبو ملي فدراسيون د استازولۍ له لوري د ياد ولايت په مرکز مزار شريف ښار کې د ۷۰ تنو چاپندازانو ترمنځ د وزلوبې سيالۍ ترسره شوې.
د يادو سياليو په پايله کې د ميدان حکم له لوري يو اخرالاق اعلان شو، چې دغه اخرالاق ذکريا پهلوان د نقيب گدا په آس تر حلالې دايرې ورساوه او د سياليو گټونکی شو.
يادولو وړ ده، چې د دغو سياليو د ترسره کېدو موخه راتلونکو لوبو لپاره د چاپندازانو لا ښه چمتو والی او ښاريانو لپاره د سالمې تفريح برابرول وو، چې يوه ورځ يې دوام وکړ.
