دایکندي؛ مرکز نیلي کې د ۱۵ لوبغاړو ترمنځ د ځغاستې سیالۍ ترسره شوې
د دایکندي ولایت د بدني روزنې او ورزش امریت اړوند د اتلتیک ملي فدراسیون د استازولۍ له لوري د یاد ولایت په مرکز نیلي کې د ۱۵ لوبغاړو ترمنځ په ۴۰۰ متري واټن کې د ځغاستې سیالۍ ترسره شوې.
دغه سیالۍ، چې د ځوانانو لوبغاړو په عمري کټګورۍ کې ترسره شوې، چې په پایله کې رحمت لومړی، خدا بخش دویم او محمد خاوري درېیم مقام ترلاسه کړ.
د یادو سیالیو موخه د ځغاستې ورزش ته وده ورکول او د ځوانانو هڅوول و، چې یوه ورځ يې دوام وکړ.
د سیالیو په پای کې غوره لوبغاړو ته چمتو شوې ډالۍ ورکړل شوې.
