ميدان وردگ کې د اتو ولايتونو ترمنځ د ووشو سيالۍ وشوې
د ميدان وردگ ولايت د بدني روزنې او ورزش آمريت په همغږۍ او د ووشو ملي فدراسيون له لوري د ياد ولايت په مرکز کې له اتو ولايتونو د ۱۶۰ ورزشکارانو ترمنځ د ووشو سيالۍ وشوې.
په دغو سياليو کې له کابل، هلمند، خوست، لوگر، کندهار، غزني، پنجشېر او کوربه ميدان وردگ ولايتونو څخه ورزشکارانو گډون کړی وو، چې په پايله کې کابل لومړی او لوگر دويم مقام خپل کړ.
د ويلو وړ ده، چې يادې سيالۍ هر کال دوه ځلې د ميدان وردگ ولايت په کوربه توب ترسره کېږي او موخه يې د ورزشکارانو هڅول دي.
