پکتیکا؛ برمل ولسوالۍ کې د ١٦ لوبډلو ترمنځ د ټېپ بال کرېکټ سیالۍ پای ته ورسېدې
د پکتیکا ولایت د بدني روزنې او ورزش آمریت اړوند د ټېپ بال کرېکټ فدراسیون د استازولۍ له لوري د ياد ولايت په برمل ولسوالۍ کې د ١٦ لوبډلو ترمنځ د ټېپ بال کرېکټ سیالۍ د احمدزي لوبډلې په اتلولي پای ته ورسېدې.
د یادو سیالیو پایلوبه وزیرستان او احمدزي لوبډلو ترمنځ ترسره شوه. د لوبې پچه احمدزي لوبډلې وګټله او لومړی یې توپ وهنه وکړه، چې په ټاکلو اتو اورونو کې یې د پنځو ویکټو په زیان خپلې سیالې لوبډلې ته د ١٢٩ منډو هدف وټاکه. وزیرستان لوبډلې د هدف په تعقیب کې د شپږو ویکټو په زیان ٨٣ منډې وکړې او د ٤٥ منډو په توپیر یې لوبه وبایلله.
دا سیالۍ د ځوانانو ترمنځ د یووالي په موخه ترسره شوې، چې ٢٣ ورځې یې دوام وکړ.
