هرات؛ د لویدیځ زون کلبونو ترمنځ د فوټبال سیالۍ پای ته ورسېدې
د هېواد فوټبال اتلانو لیګ ته لارموندې لپاره د جنوب غرب زون فوټبال کلپونو ترمنځ سیالۍ پرون شنبه د هرات ولایت په کوربه توب پای ته ورسیدې.
ددې سیالیو د پای په مراسمو کې د هرات ولایت د فوټبال فدراسیون مشر ډاکترشاه رسول احراري، د هرات د اطلاعاتو او کلتور رئیس محترم مولانا نعیم الحق حقانی، د هرات د ورزش ریاست مشر مولوي ګلاب الدین خپلواک او د هرات ولایت ګڼ شمېر مخکښو ورزشکارانو پکې ګډون کړی ۇ.
دغه سیالۍ چې د هرات، فراه نیمروز، غور او بادغیس ولایتونو د استازیو شتون کې وشوې، د هرات اټک انرژي کلپ د ۱۲ امتیازونو په ترلاسه کولو سره لومړی مقام خپل کړ.
د سیالیو پیاوړیو لوبغاړو ته انفرادي ډالۍ ورکړل شوې او همدارنګه حمیدالله کریمي او فیصل حمیدي، جواد الکوزی له اټک انرژي کلب څخه د غوره ګول وهونکي، غوره ګول ساتونکي او غوره لوبغاړي په په توګه وپېژندل شول او سعید بلچ د نیمروز له ابو مسلم کلپ څخه د نوي استعداد په توګه ونومول شو
