هلمند؛ د لښکر ګاه فوټسال سیالیو اتلولي قیس غني لوبډلې خپله کړه
د هلمند ولایت په مرکز لښکرګاه کې د ۳۶ لوبډلو ترمنځ د فوټسال سیالیو اتلولي، چې درې اوونۍ یې دوام وکړ، قیس غني لوبډلې خپله کړه.
دغه سیالۍ، چې د مرکز لښکرګاه په مرکزي جمنازیوم کې ترسره شوې، پایلوبه یې د قیس غني او ودان لوبډلو ترمنځ ترسره شوه، چې په پایله کې قیس غني لوبډلې خپلې سیالې ودان لوبډلې ته د ۸-۱ ګولونو په توپیر ماتې ورکړه او اتلولي یې خپله کړه.
هېره دې نه وي، چې دغه سیالۍ په تګ راتګ شکل ترسره شوې او په پای کې غوره لوبډلو او لوبغاړو ته چمتو شوې ډالۍ ورکړل شوې.
