مسکین اباد کلب د لغمان ولایت د ټېپ بال ټورنمنټ اتلولي خپله کړه
د لغمان ولایت د ورزش امریت په لارښوونه د ټېپ بال فدراسیون له لوري د مسکین اباد کلي ځوانانو په مالي ملاتړ د دې ولایت منډوي کرکټ لوبغالي کې د مرکز او پنځو ولسواليو ۴۸لوبډلو ترمنځ د ټېپ بال ټورنمنټ د مسکین اباد کلب لوبډلې په ګټه پای ته ورسېد.
دغه ټورنمنټ چې ۴۰ ورځې یې دوام وکړ پایلوبې ته یې د مسکین اباد کلب او پړوایي لوبډلو لار وموندله، چې د لوبې پچه د مسکین اباد کلب لوبډلې وګټله او په ټاکلو لسو اورونو کې یې کې ۱۵۶منډ وکړې، چې د پړوایې لوبډلې ورکړل شوی هدف پوره نه کړ او لوبه یې د مسکین اباد کلب لوبډلې ته بایلوده.
د دې سیالیو موخه له نطام څخه ملاتړ او د ځوانانو ترمنځ یووالي او پيوستون دی.
