کابل کې د میلاد نبي په مناسبت د فول رزم ورزشي سیالۍ او نندارې ترسره شوې
په پلازمینه کابل کې د فول رزم ملي فدراسیون له لوري د حضرت محمد مصطفی صلی الله علیه وسلم د میلاد ورځ/ د ربیع الاول ۱۲مې په مناسبت ورزشي سیالۍ او نندارې ترسره شوې.
په دې مراسمو کې د فولرزم ملي فدراسیون پر مسوولینو سربېره د بدني روزنې او سپورت عمومي ریاست حقوقي مشاور سید رسول افغان او د سیالۍ برابرولو آمر عزیز الرحمن ملنګ هم ګډون درلود.
یادې سیالۍ او ورزشي نندارې چې د بدني روزنې او سپورت عمومي رياست په ۵۰۰ کسيز جمنازيوم کې پیل شوې په کې د مرکز 80 لوبغاړو د ماشومانو، تنکيو ځوانانو، ځوانانو او لويانو په عمري کټګورۍ کې د مرکز ګډون درلود.
دا لوبې د تک فایټ په سیستم که ترسره کیږي چې موخه یې د حضرت محمد مصطفی صلی الله علیه وسلم د میلاد ورځ څخه لمانځل دي.
ګډون کوونکي لوبغاړي د یادو سیالیو د برابرولو څخه خوښ دي او مرکز او ولایتونو کې د ورته سیالیو د چمتو کولو غوښتنه کوي.
