ننګرهار؛ په خوږیاڼو ولسوالۍ کې د ۱۶ لوبډلو ترمڼځ د ټېپ بال سیالۍ پیل شوې
د ننګرهار ولایت د ورزش ریاست له لوري د ځوانانو د یووالي او له نظام څخه د ملاتړ په موخه په خوږیاڼو ولسوالۍ کې د ۱۶ لوبډلو ترمنځ د کرکټ ټېپ بال سیالۍ پیل شوې.
د دغو سیالیو د پیل لوبه د سوپرسټار او سپین غر لوبډلو ترمنځ وشوه، چې د لوبې پچه د سپین غر لوبډلې وګټله او لومړی یې د توپ وهنې پرېکړه وکړه، چې په ټاکلو لس اورونو کې یې د شپږ لوبغاړو په سوځېدو سره ۷۶منډې وکړې.
په مقابل کې د سوپرسټار لوبډلې ورکړل شوی هدف د څلور لوبغاړو په زیان سره د لوبې په شپږم اور کې پوره کړ او لوبه یې وګټله.
یادې سیالۍ به ۲۵ ورځې دوام وکړي چې دویمه لوبه به یې د رحمن الله وزیر او سوپر سټار ب لوبډلو ترمنځ ترسره شې.
