کونړ؛ په ماڼوګي ولسوالۍ کې د ټېنس کرکټ لس اوریز تورنمنټ پیل شو
د کونړ ولايت بدني روزنې او ورزش امريت په مرسته د کرکټ ټېپ بال فدراسیون له لوري د دې ولایت د ماڼوګي ولسوالۍ په برمناګي ژبۍ ساحه کې د ١٢ لوبډلو ترمنځ د کرکټ ټېپ بال لس اوريزه ټورنمنټ پيل شو.
دغه ټورنمنټ به ١٥ ورځې دوام وکړي، چې د پيل لوبه يې د بارکنډۍ او برمناګي ژبۍ لوبډلو ترمنځ وشوه، د لوبې پچه د برمناګۍ ژبۍ لوبډلې وګټله، چې په ټاکلو لسو اورونو کې يې د ٧ ويکټو په زيان مقابلې لوبډلې ته د ١٢٧ منډو هدف ورکړ.
په مقابل کې د بارکنډۍ لوبډلې د ٩ لوبغاړو په سوځېدو سره ٨٩ منډې وکړې او لوبه يې د ٣٨ منډو په توپیر بايلوده.
په دې سيالۍ کې الفت صافي د لوبې د غوره لوبغاړي جایزه ترلاسه کړه، چې په درې اورونو کې يې ٣٢ منډې ورکړې او د خپلې لوبډلې لپاره يې درې ويکټي ترلاسه کړلې.
