په خوست کې د ځوانانو د یووالي په نوم د فوټبال سیالۍ پای ته ورسېدې
د خوست ولایت نادرشاه کوټ ولسوالۍ په ترکۍ کلي کې د یادې ولسوالۍ د ورزشي مسوول عزت الله وقار له لوري د ۱۴ لوبډلو ترمنځ د فوټبال سیالۍ پای ته ورسېدې.
د دغو سیالیو پایلوبې ته د لټکوال الف او ترکۍ چیلنجر لوبډلو لار موندلې وه، چې په پایله کې لوبه مساوي او په پینالټي کې ترکۍ لوبډلې خپلې سیالې لوبډلې ته د ۶-۵ ګولونو په توپیر ماتې ورکړه او اتلولي یې خپله کړه.
هېره دې نه وي چې دغو سیالیو یوه میاشت دوام وکړ او په پای کې غوره لوبډلو او لوبغاړو ته کپونه او مډالونه ورکړل شول.
