مېدان وردگ؛ د مېدان ښار واليبال سيالۍ د ځواک مېدان ښار لوبډلې په اتلولۍ پای ته ورسېدې
د مېدان وردگو د بدني روزنې او سپورټ آمريت له خوا، د واليبال فدراسيون د نماينده ګۍ په لارښوونې او د APA مؤسسې په مالي ملاتړ د ياد ولايت په مرکز مېدان ښار کې د ۱۲ لوبډلو تر منځ د واليبال سيالۍ چې څو ورځې مخکې پېل شوې، د ځواک میدان ښار لوبډلې په اتلولۍ پای ته ورسېدې.
د يادو سياليو پايلوبه د چک محمدي او ځواک مېدان ښار لوبډلو تر منځ ترسره شوه، چې ۳/۱ مېدانونو په توپير د ځواک مېدان ښار لوبډلې په بريا پای ته ورسیده.
دا سیالۍ، چې موخه يې د ځوانانو ترمنځ ټولنیز سمون و، په پای کې لومړي او دويم مقام ګټونکو لوبډلو ته کپونه او مډالونه هم ورکړل شول.
