میدان وردګ؛ چک ولسوالۍ کې د ټېپ بال کرکټ سیالۍ پای ته ورسېدې
د میدان وردګ ولایت د بدني روزنې او ورزش آمریت له لوري د یاد ولایت د چک ولسوالۍ اړوند نوآباد کلي کې د ۸ لوبډلو ترمنځ د ځوانانو اتحاد په نوم د ټیپ بال کرکټ سیالۍ د انتظار همت لوبډلې په اتلولۍ پای ته ورسېدې.
د یادو سیالیو پایلوبه د انتظار همت او اتحاد الف لوبډلو ترمنځ ترسره شوه، چې انتظار همت لوبډلې په ټاکلو ۸ اورونو کې مقابلې لوبډلې ته د ۱۱۲ منډو هدف وټاکه، خو اتحاد الف لوبډلې یې په ځواب کې ۹۸ منډې وکړې او لوبه یې د ۱۳ منډو په توپیر وبایلله.
په دغو سیالیو کې خوشحال په ۱۸۰ منډو ترسره کولو سره تر ټولو غوره توپ وهونکی او حامد د ۱۰ ویکټو په اخیستو سره د سیالیو غوره توپ اچونکی ونومول شو.
