غور کې د اتو لوبډلو ترمنځ د ۱۸ کلنو د فوټسال سیالۍ د شاروالۍ لوبډلې په اتلولۍ پای ته ورسېدې
د غور ولایت د بدني روزنې او ورزش امریت له لوري د یاد ولایت په مرکز فیروز کوه ښار کې د اتو لوبډلو ترمنځ د ۱۸ کلنو د فوټسال سیالۍ د شاروالۍ لوبډلې په اتلولۍ پای ته ورسېدې.
دغو سیالیو پایلوبه کې د شاروالۍ لوبډلې خپلې سیالې خراسان لوبډلې ته د ۵/۴ امتیازونو په توپیر ماتې ورکړه او اتلولي یې خپله کړه.
دغو سیالیو کې معروف محمدي زیاتو ګولونو وهونکی، ګلاب الدین غوره دفاع کوونکی او ابراهیم امیري غوره ګول ساتونکی وپېژندل شو.
د یادو سیالیو موخه غور ولایت کې د فوټسال ورزش ته وده ورکول و.
د سیالیو په پای کې غوره لوبډلې ته د اتلولۍ کپ او غوره لوبغاړو ته چمتو شوي مډالونه او جایزې ورکړل شوې.
