کابل کې د المپیک ملي کمېټې او سپورټ عمومي رییس مولوي احمدالله وثیق د بدن ښکلا د ملي فدراسیون ورزشکارانو او د کلب مسولانو سره لیدنه وکړه
د بدني روزنې او ورزش عمومي ریاست کې د المپیک ملي کمېټې او سپورټ عمومي رییس مولوي احمدالله وثیق د بدن ښکلا ملي فدراسیون ورزشکارانو او د کلب مسوولانو سره لیدنه وکړه.
په دغه لیدنه کې د بدن ښکلا ملي فدراسیون د ۱۴۰۲ ه. ش کال ګزارشونه او د ورزشکارانو او د کلب مسوولانو مشکلاتو اړوند نظرونه تبادله شول.
په دغه لیدنه کې د المپیک ملي کمېټې او سپورټ عمومي رییس مولوي احمدالله وثیق ورزشکارانو او د کلب مسوولانو ته وویل: د بدني روزنې او ورزش عمومي ریاست او د المپیک ملي کمېټه په دې هڅه کې ده تر څو ورزشکارانو او ورزش ته د هېواد په کچه پراختیا ورکړي.
همدارنګه ښاغلي وثیق زیاته کړه: موږ هڅه کوو؛ ترڅو ورزشکارانو ته زمینه برابره کړو، چې په ملي او نړیوالو سیالیو کې ګډون وکړي.
