زابل؛ دایچوپان ولسوالۍ کې د ټېپ بال کرکټ سیالۍ د بایلوغ الف لوبډلې په اتلولي پای ته ورسېدې
د زابل ولایت د بدني روزنې او ورزش آمریت اړوند د ټېپ بال کرکټ فدراسیون د استازولي له لوري د یاد ولایت په دایچوپان ولسوالۍ کې د ۱۶ لوبډلو ترمنځ د د اختریز جام په نوم د ټېپ بال کرکټ سیالۍ د بایلوغ الف لوبډلې په اتلولي پای ته ورسېدې.
د یادو سیالیو پایلوبه د بایلوغ الف او بایلوغ ب لوبډلو ترمنځ ترسره شوه، چې بایلوغ الف لوبډلې په ټاکلو ۱۴ اورونو کې خپلې سیالې لوبډلې ته د ۱۶۵ منډو هدف وټاکه او په ځواب کې یې بایلوغ ب لوبډلې د خپلو ټولو لوبغاړو په له لاسه ورکولو سره ۱۳۵ منډې وکړې او لوبه یې د ۲۹ منډو په توپیر وبایلله.
د سیاليو په پای کې د زابل ولایت د ورزشي آمریت له لوري غوره لوبغاړو ته ورزشي توکي ډالۍ شول.
