پکتيا؛ اتفاق لوبډلې د يووالي جام په نوم د فوټبال سياليو اتلولي وگټله
د پکتيا ولايت د بدني روزنې او ورزش رياست او د فوټبال ملي فدراسيون په گډه همکارۍ او د OCHR مؤسسې په مالي ملاټر د ياد ولايت په مرکز گردېز ښار کې د شپږو لوبډلو ترمنځ د يووالي جام په نوم د فوټبال سيالۍ، چې لس ورځې مخکې پيل شوې وې د اتفاق لوبډلې په اتلولۍ پای ته ورسېدې.
د يادو سياليو په پايلوبه کې اتفاق لوبډلې خپلې سيالې خپلواک لوبډلې ته د ۲ پر صفر گولونو په توپير ماتې ورکړه او د ياد جام اتلولي يې په خپل نوم کړه.
د يادولو وړ ده، چې د دغو سياليو په پای کې د ياد ولايت د ورزش رياست له لوري لومړي او دويم مقام گټونکو لوبډلو ته کپونه، مډالونه، ستاينليکونه او د OCHR مؤسسې مسؤلينو له خوا لوبډلو ته ورزشي وسايل ورکړل شول.
