هلمند؛ په ګرمسېر ولسوالۍ کې د ۲۰ لوبډلو ترمنځ د فوټبال سيالۍ پای ته ورسېدې
د هلمند ولایت د بدني روزنې او ورزش امریت اړوند د فوټبال فدراسیون د استازولۍ له لوري په ګرمسېر ولسوالۍ کې د ۲۰ لوبډلو ترمنځ د فوټبال سيالۍ، چې يوه مياشت وړاندې پيل شوې وې، د هزار جفت مرکزي لوبډلې په اتلولۍ پای ته ورسېدې.
د دغو سیالیو پایلوبه د هزار جفت مرکزي او اتحاد لوبډلو ترمنځ ترسره شوه، چې په پايله کې هزار جفت مرکزي لوبډلې خپلې سيالې لوبډلې ته د ۱-۰ ګولونو په توپير ماتې ورکړه او اتلولي يې خپله کړه.
