د هېواد شمال ختیځ او سوېل ختیځ زونونو فوټسال سیالۍ پای ته ورسېدې
د افغانستان فوټبال ملي فدراسیون اړوند فوټسال ملي کمېټې له لوري د افغانستان د زونونو په کچه الف لیګ سیالیو ته د لارموندنې پړاو سیالیو لپاره د شمال ختیځ او سوېل ختیځ زون سیالۍ ترسره شوې.
په شمال ختیخ زون سیالیو کې چې د بغلان په کوربه توب ترسره شوې، خپلواک بغلان لوبډلې د زیاتو نمرو په ترلاسه کولو سره لومړی مقام ترلاسه کړ او د شمال ختیځ زون په استازیتوب یې د زونونو په کچه فوټسال لیګ سیالیو ته لار ومونده.
په ورته وخت کې د سوېل ختیخ زون سیالۍ د لوګر په کوربه توب د کوربه لوګر، خوست او میدان وردګ ولایتونو ترمنځ ترسره شوې، چې د لوګر لوبډلې د شپږ نمرو په ترلاسه کولو سره لومړی مقام خپل کړ، چې د زونونو په کچه د فوټسال لیګ سیالیو کې به د سوېل ختیځ زون استازیتوب کوي.
