افغان ورزشکار سمیع الله حمیدي د رزمي ورزشونو اسیایي سیالیو کې پرلپسې چیني او منګولیایي سیالان مات کړل
افغان ورزشکار سمیع الله حمیدي د رزمي ورزشونو څلورم پړاو اسیایي ته د لار موندنې سیالیو کې پرلپسې چیني او منګولیایي سیالانو ته په ۶۵ کیلو ګرامه وزن کې ماته ورکړه.
دغه ورزشکار به د خپل حریف له مشخصېدو وروسته د سرو زرو مډال پر سر د سیالي ډګر ته ښکته شي.
په دغو سیالیو کې د افغانستان په استازولۍ ۱۳ ورزشکاران. ۴ روزونکي او یو هیئت ګډون لري.
یادې سیالۍ د ۲۳ هېوادونو په ګډون د ازبکستان هېواد په کوربهتوب په تاشکند ښار کې د روانې میلادي میاشتې پر ۲۲مه پیل شوي او د همدې میاشتې تر ۲۴مې نېټې به دوام وکړي.
