ارزګان؛ په چهارچینو ولسوالۍ کې د ۱۰ لوبډلو ترمنځ د ټېپ بال کرکیټ سیالۍ پیل شوې
د ارزګان ولایت د بدني روزنې او ورزش امریت اړوند د ټېپ بال کرکیټ فدراسیون د استازولۍ له لوري د ياد ولایت په چهارچینو ولسوالۍ کې د ۱۰ لوبډلو ترمنځ د ټېپ بال کرکیټ سیالۍ پیل شوې.
د یادو سیالیو لومړۍ لوبه د ځنځر او سید اعظم لوبډلو ترمنځ وشوه، لومړی توپوهنه ځنځر لوبډلې وکړه او په ټاکلو ۱۰ اورونو کې یې سیالې لوبډلې ته د پنځو ویکټو په زیان ۱۶۰ منډې هدف کېښود، د لوبې په دویمه پاڼۍ کې سیداعظم لوبډلی ياد هدف د دوو ویکټو په زيان پوره کړ او د ۸ ویکټو په توپیر یې لوبه وګټله.
