بغلان؛ مرکز پلخمري کې د ۸۴ ورزشکارانو ترمنځ د اشي هارا کراټې شپاړسم پړاو ټاکنيزې سيالۍ وشوې
د بغلان ولايت د بدني روزنې او ورزش امريت اړوند د اشي هارا کراټې فدراسيون د استازولۍ له لوري د ياد ولايت په مرکز پلخمري کې د ۸۴ ورزشکارانو ترمنځ د اشي هارا کراټې شپاړسم پړاو ټاکنيزې سيالۍ وشوې.
دغه سيالۍ په بېلابېلو کټګوريو کې ترسره شوې، چې په پايله کې ۳۰ تنه د ياد ولايت د اشي هارا کراټې منتخبې لوبډلې ته وټاکل شول.
د يادو سياليو موخه د بغلان ولايت د اشي هارا کراټې منتخبې لوبډلې ته د غوره استعدادونو موندل او ټاکل و، چې يوه ورځ يې دوام وکړ.
