تخار؛ چاه اب ولسوالۍ کې د ۲۴ لوبډلو ترمنځ د فوټسال سیالۍ پای ته ورسېدې
د تخار ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت په چاه اب ولسوالۍ کې د ۲۴ لوبډلو ترمنځ د حذفي جام په نوم د فوټسال سیالۍ پای ته ورسېدې، چې ۲۰ ورځې یې دوام وکړ.
د دغو سیالیو په پایلوبه کې اعظمي لوبډلې خپلې سیالې اتحاد لوبډلې ته د ۷/۱ ګولونو په توپیر ماتې ورکړه او اتلولي یې خپله کړه.
د سیالیو په پای کې د ورزش مسوولینو له لوري غوره لوبډلې او لوبغاړو ته چمتو شوې ډالۍ ورکړل شوې.
