خوست؛ صبريو يعقوبيو ولسوالۍ کې د واليبال سيالۍ پای ته ورسېدې
د خوست ولایت د بدني روزنې او ورزش آمريت په همغږۍ، د واليبال فدراسيون د استازولۍ له لوري د ياد ولايت په صبریو يعقوبيو ولسوالۍ کې د ۵۰ لوبډلو ترمنځ د "رمضان جام" په نوم د واليبال سيالۍ د اسماعیل خېلو منتخبې لوبډلې په اتلولۍ پای ته ورسېدې.
د يادو سياليو په پايلوبه کې اسماعیل خېلو منتخبې لوبډلې خپلې سيالې صبريو نوري کلي ابين لوبډلې ته د ۲-۰ ميدانونو په توپير ماتې ورکړه او اتلولي يې وگټله.
د ويلو وړ ده، چې دغو سياليو شاوخوا دوه مياشتې دوام وکړ.
