خوست؛ مرکز متون ښار کې د ١٢ لوبډلو ترمنځ د ټېپ بال کرېکټ سیالۍ پای ته ورسېدې
د خوست ولایت د بدني روزنې او ورزش آمریت اړوند د ټېپ بال کرېکټ فدراسیون د استازولۍ له لوري د ياد ولايت مرکز متون ښار کې د ١٢ لوبډلو ترمنځ د ټېپ بال کرېکټ سیالۍ د علیشېرو ټایګرز لوبډلې په اتلولي پای ته ورسېدې.
د یادو سیالیو پایلوبه د غرغښت منتخبې او علیشېرو ټایګرز لوبډلو ترمنځ ترسره شوه. د لوبې پچه علیشېرو ټایګرز لوبډلې وګټله او لومړی یې توپ وهنه وکړه، چې په ټاکلو نهو اورونو کې یې د څلورو ویکټو په زیان خپلې سیالې لوبډلې ته د ١٥٩ منډو هدف وټاکه. غرغښت منتخبې لوبډلې د هدف په تعقیب کې د شپږو ویکټو په زیان ٩١ منډې وکړې او د ٦٧ منډو په توپیر یې لوبه وبایلله.
دا سیالۍ د ځوانانو ترمنځ د یووالي په موخه ترسره شوې، چې یوه میاشت یې دوام وکړ.
