خوست؛ مرکز متون ښار کې د پنځو لوبډلو ترمنځ د ټېپ بال کرېکټ سیالۍ پای ته ورسېدې
د خوست ولایت د بدني روزنې او ورزش آمریت اړوند د ټېپ بال کرېکټ فدراسیون د استازولۍ له لوري د ياد ولايت مرکز متون ښار اړوند پټارې کلي کې د پنځو لوبډلو ترمنځ د ټېپ بال کرېکټ سیالۍ د شفیع الله لوبډلې په اتلولي پای ته ورسېدې.
د یادو سیالیو پایلوبه د ستومان او شفیع الله لوبډلو ترمنځ ترسره شوه. د لوبې پچه شفیع الله لوبډلې وګټله او لومړی یې توپ وهنه وکړه، چې په ټاکلو لسو اورونو کې یې د څلورو ویکټو په زیان خپلې سیالې لوبډلې ته د ١٩٩ منډو هدف وټاکه. ستومان لوبډلې د هدف په تعقیب کې د اتو ویکټو په زیان ١٤٠ منډې وکړې او د ٥٨ منډو په توپیر یې لوبه وبایلله.
دا سیالۍ د ځوانانو ترمنځ د یووالي په موخه ترسره شوې، چې یوه میاشت یې دوام وکړ.
